Campamento de verán Rural Camp

Rural Camp é un campamento cheo de aventuras no rural no que compartir sete días nun “refuxio” con actividades continuas do día á noite. Natureza, deporte, xogos (moito xogo), música, gargalladas a moreas… Un espazo no que por en valor os pequenos xestos, compartindo momentos cheos de adrenalina e emocións.

Rural Camp tamén é familia, aprendizaxes colectivas e vivencias cuns valores compartidos.

Agora chegou o momento de deixar que a familia poda vivir outras experiencias, sentimos que xa lles transmitimos todo aquilo que podíamos aportar, agora é tempo de que proben outras aventuras, sen esquecer nunca o vivido en Paciños.

O noso equipo de tempo libre, ese no que confiamos vidas, tamén medrou connosco e a súa dispoñibilidade foi cambiando co paso dos veráns. Cada edición resultou máis complexo reunirnos para así manter a esencia deste proxecto pero… lográmolo! Ata este 2024, ano no que parécenos imposible soster a esencia 100% Rural sen o noso querido equipo.

Nun futuro realizaranse novos campamentos na Fundación ou proxectos paralelos e o albergue segue en activo traballando con grupos e diferentes colectivos, pero queremos manter intacta a maxia de Rural Camp para aqueles e aquelas que a viviron anteriormente.

Con todo o agarimo do mundo comunicamos que Rural Camp pecha as súas portas.

Grazas por formar parte de esta marabillosa e trepidante aventura, xa foses familiar de participantes, acampado ou acampada, “moniteiro ou moniteira”, equipo de administración, de limpeza, de cociña… grazas aos servizos de socorrismo das piscinas, ós de autobús nas estupendas saídas á vila, á veciñanza que participou nas nosas ideas e actividades… e moitas grazas aos nosos e nosas auxis.

E para aqueles e aquelas que aínda estabades en idade de retornar a Rural, lembrade que nada será igual PERO todo “campa” é especial, gozade de cada oportunidade, e buscade ese espazo onde vos sintades protexidos e protexidas.

Sempre, Rural Camp.